عشرين يوم وعشر ايام - هند علام
كلمات: محمد حسين | الحان: احمد عبد القادر
عشرين يوم وعشر ايام
لو انصاف شهرك قول كام
عشرة وعشرة وعشرة كمان
دول يبقوا حبيبنا رمضان
غنى يا عيشة مع احلام
وقولوله باعذب انغام
نستناك من العام للعام
بقلوبنا وارواحنا كمان
انت واحشنا يا منعنشنا
عشرين يوم وعشر ايام
نورك على الاسلام بيزيد
وولادنا فوانيسها تقيد
وقلوبهم بتقول وتعيد
جيتنا فى خير وسلام وامان
شمعك قايد نورك زايد
عشرين يوم وعشر ايام
رمضان ياللى قدومك خير
خير على الدنيا غنى وفقير
فرحت صغير وكبير
مين ميقولش كله ايمان
كلك خيرات مليان بركات
عشرين يوم وعشر ايام
ادعوا وقولوا بقلب سليم
زيد من خيراتك يا كريم
عيدوا علينا فى خير يا رحيم
صلوا على طه العدنان
فيك تراويح وكمان تسابيح
عشرين يوم وعشر ايام
- 1958 -
ليست هناك تعليقات:
إرسال تعليق
ضع تعليق وشاركنا بآرائك