ايام رايحة وايام جاية - شريفة فاضل
كلمات: فتحى قورة | الحان: محمد محسن
ايام رايحة ايام جاية والايام الحلوة شوية يا رمضان
فاتوا 11 شهر عليا هما 11 شهر شوية يا رمضان
ايام رايحة مندراش بيها وايام جاية بعيد وقريب
ولا يبقاش من كل ما فيها للناس غير العمل الطيب
وان كانت مشاغلنا تنسينا تيجى انت تفكرنا وتهدينا
وبفرحة نقابلك يا رمضان ونعيش نحسبلك يا رمضان
وبلياليك متنامش عينيا فاتوا 11 شهر عليا
هم 11 شهر شوية يا رمضان
ايام رايحة ودنيا بتجرى والايام بحر وطيار
واللى ايديه فى المية ما يدرى ايه حال اللى ايديه فى النار
والناس اللى بتكنز اموالها تيجى انت وتفكرههم بزوالها
وتقول للصايم يا رمضان سبحان الدايم يا رمضان
وفى لياليك متنامش عينيا فاتوا 11 شهر عليا
هم 11 شهر شوية يا رمضان
ايام رايحة وكل دقيقة من عمرنا محسوبة علينا
واحنا معاك بنعيش فى حقيقة للدنيا دى تبان فى عينينا
ولا غير المعروف راح يبقى لنا ولا ناخد من الدنيا الا عملنا
والصلاة وصيامك يا رمضان والزكاة فى ختامك
وفى لياليك متنامش عينيا فاتوا 11 شهر عليا
هم 11 شهر شوية يا رمضان
ليست هناك تعليقات:
إرسال تعليق
ضع تعليق وشاركنا بآرائك