رمضان له فرحة - محمد رشدى
كلمات: حسين طنطاوى | الحان: محمد صادق
رمضان له فرحة وهليلة
فى بلدنا ليلاتى يا حليلة
عند الدوار زينة وأنوار وغُنى ومزمار
يالا ياجدعان دى ليالى رمضان
محسوبة علينا من الليلة
دورنا الليلة كلوباته
من قبل المغرب منقادة
ويلف عليكم شرباته
والقرفة سمسمها زيادة
وهناك صييت عمره ما جالنا
لآذان الفجر هايقرالنا
نسمع قرآن يهدى الحيران
يالا ياجدعان دى ليالى رمضان
محسوبة علينا من الليلة
وهناك مداح وموالدية
وكمان آلاتية من البندر
بيقولوا السيرة النبوية
بكلام يا ولاد زى السكر
نشبع من سيرته ونتمتع
ونصلى عليه كل ما نسمع
والقلب يبات مليان كرامات
يالا ياجدعان دى ليالى رمضان
محسوبة علينا من الليلة
وهناك ارغول على الحانه
نسمع مواويل مبتنقالش
لا تقول كمانجة ولا بيانو
وترش الملح مينزلش
الحظ هناك يالا معايا
رمضان له اول ونهاية
وحرام النوم التلاتين يوم
يالا ياجدعان دى ليالى رمضان
محسوبة علينا من الليلة
ليست هناك تعليقات:
إرسال تعليق
ضع تعليق وشاركنا بآرائك