اللى اتمنيته لقيته - صباح
كلمات: فتحى قورة | الحان: منير مراد
اللي اتمنيته لقيته
وياريته يدوم لى ياريته
مش عايزة ادور تانى
ع الأمل اللى استنيته
لقيته اللي اتمنيته لقيته
الدنيا يا قلبى تحير
حكايتنا معاها حكاية
ودى اول مرة تغير
عويادها معاك ومعايا
افرح واتهنى يومين
مين عارف هنروح فين
ده العمر بحاله قضيته
احلم بهنايا فى بيته
مش عايزة ادور تانى
ع الأمل اللى استنيته
لقيته اللي اتمنيته لقيته
ظلم الايام ودانى
للعيشة اللى ماليش فيها
وصبرت لحد ما جانى
صفو الدنيا وامانيها
لو يوم فى العمر جميل
ده يساوى عمر طويل
واليوم ده ياما نديته
وحايلته واترجيته
مش عايزة ادور تانى
ع الأمل اللى استنيته
لقيته اللي اتمنيته لقيته
ودعنا زمان الحيرة
وفرحنا فى بعدنا عنها
والفرحة بتبقى كتيرة
على القلب المحروم منها
زودها كمان وكمان
متفكرنيش بزمان
ارميه زى انا ما رميه
وداريه زى ما داريته
مش عايزة ادور تانى
ع الأمل اللى استنيته
لقيته اللي اتمنيته لقيته
- اغانى فيلم "توبة" عام 1958 -
ليست هناك تعليقات:
إرسال تعليق
ضع تعليق وشاركنا بآرائك