يا عطارين دلونى / الصبر - احلام
كلمات: محمد ابراهيم اسماعيل / ابو سمرة | الحان: محمود الشريف
يا عطارين دلونى الصبر فين اراضيه
ولو طلبتوا عيونى خدوها بس الاقيه
سالتهم عنه العطارين
قالوا المر فيه منه والصبر مش موجود
والمسك قال عنه اللى اشتراه شالو
وقال لنا انه من قسمة الموعود
فى المر بنتاجر ورخيص نبيعه لك
والصبر شئ نادر وازاى نبيعة لك
ان دورت وجبته امانه للعطار هات منه وقيه
وان مالقيتشى تعالى معانا نسأل ..
يمكن نلقى شويه
مرارة الطعمين موجوده ف الاتنين
الناس قالولى الصبر جميل شافوه صحيح ولا حكايه
وكل شئ ما علهشى دليل مالوش لا اصل ولا نهايه
يا عطارين دلونى الصبر فين اراضيه
- 1956 -
ليست هناك تعليقات:
إرسال تعليق
ضع تعليق وشاركنا بآرائك