عايز اصحى الشوق - عادل مأمون
كلمات: نبيل الفكهانى | الحان: عز الدين حسنى
عايز اصحى الشوق فى قلبك
اللى عاش عمره فى هوايا
عايز ارجع عهد حبك
عايز اعيد تانى الحكاية
بس مش عارف راح اقدر
ولا حبك حاجة اكبر
ولا قلبك مش معايا
مش عارف مش عارف
رحت ويا الشوق على شط الهوى
والتقيت صورتنا على المية سوا
والتقيت الذكريات
تحكى ع الحب اللى فات
فى ربيع عمر انطوى
كل ده فكرنى بيك
كل ده عشمنى فيك
زاد فى قلبى حبك اكتر
وابتديت اسهر وافكر
بس مش عارف راح اقدر
ولا حبك حاجة اكبر
ولا قلبك مش معايا
مش عارف مش عارف
نفسى يرجع حبنا لسة فى شبابه
والوفا والود والفرح اللى غابوا
وانتظارى لك وشوقى ولهفتى
والحنان اللى ينور سكتى
فى الليالى اللى نجومها عنها غابوا
زاد فى قلبى حبك اكتر
وابتديت اسهر وافكر
بس مش عارف راح اقدر
ولا حبك حاجة اكبر
ولا قلبك مش معايا
مش عارف مش عارف
ليست هناك تعليقات:
إرسال تعليق
ضع تعليق وشاركنا بآرائك