تاريخ الشعب - ابراهيم حمودة
كلمات: محسن بكر | الحان: مرسى الحريرى
اقرا تاريخ الشعب من يوم ما اتخلق
المارد اللى جاله واجهه وانطلق
واتفجرت كل الطاقات من قوته
وداس على الظلم بسواعده وفتفته
ونور الدنيا بمبادئه وثورته
خلى العدا من لفحة النور تنحرق
واقرا تاريخ الشعب
اقرا صحايف يحكي عنها كل جيل
كل صفحة فيها اكتر من دليل
ع الحضارة اللي خلقها شعبنا
واللي ياما شعوب خدتها مننا
واللي مسمعتش وتسمع بكرة عنه
لو هاينطق راح يقولك عننا
قوة ثايرة فيها عزم وتضحيات
شعب يخلق كل صعب ومستحيل
قادها نار على كل باغي في سكته
قام بيبني المجد من صبر وعرق
ونور الدنيا بمبادئه وثورته
خلى العدا من لفحة النور تنحرق
واقرا تاريخ الشعب
من قبل مينا واللي خلقوا الاهرامات
واحنا بنكافح ونخلق معجزات
دم يغلي في العروق يصهر حديد
تبني نهضة كبيرة للشعب العنيد
شعبنا رغم الظروف اثبت وجوده
وكل يوم بيعيش حياته بيوم جديد
قادها نار على كل باغي في سكته
قام بيبني المجد من صبر وعرق
ونور الدنيا بمبادئه وثورته
خلى العدا من لفحة النور تنحرق
واقرا تاريخ الشعب
- 1966 -
ليست هناك تعليقات:
إرسال تعليق
ضع تعليق وشاركنا بآرائك