قولوا لماذون البلد - محمد رشدى
كلمات: محمد فتحى | الحان: محمد رشدى
قولو لمأذون البلد ييجى يتمم فرحتى
و يهنى قلبى اللى انسعد ويا جميل من قسمتى
قولو لمأذون البلد
قولو له يكتب لى الكتاب علا صفحه بيضه معطره
د انا و الحبيب بعد الغياب هنعيش ف جنه منوره
فيها السعاده و الهنا و فيها يكمل فرحنا
و يغنى قلبى اللى انسعد و يغنى قلبى اللى انسعد
قولو لمأذون البلد ييجى يتمم فرحتى
و يهنى قلبى اللى انسعد ويا جميل من قسمتى
قولو لمأذون البلد
قولو له قلبى فى الهوا ها يقول علا إيه الامل
يا مجمع الاحباب سوا انا سعدى م الليله اكتمل
و الزهر متبسم لينا و الشمع نور حينا
و يا بخت كل اللى انسعد و يا بخت كل اللى انسعد
قولو لمأذون البلد ييجى يتمم فرحتى
و يهنى قلبى اللى انسعد ويا جميل من قسمتى
قولو لمأذون البلد
- 1961 -
ليست هناك تعليقات:
إرسال تعليق
ضع تعليق وشاركنا بآرائك