والله فرحنالك - محمد رشدى
كلمات: حسن ابو عتمان | الحان: محمد رشدى
و الله فرحنالك يا ولا .. و الله فرحنالك
و السعد جالك يا ولا .. و الحظ ادَّالك
و ليلتنا نجف .. و الفرح صُدَف
و الليلة ليلتك يا ولا أمَّك داعيالك
املا الصوانى أنانى .. سكر و شربات ورد
و اسقى العريس و العروسة .. و الحبايب شهد
و انا ببعتر تماسى ع الفرح كله
سلام مربع يا عم بالفرز
سلام كبير للعريس و اخوانه
كمان سلام للعروسة عشانه
و الجدعان اللى الناحيادى و الناحيادى شرفتو
و الصحبة دى و الصحبة دى و العريس و انا و انتم
و عريسنا قمر و عروسته قمر يا امر
مش انت بس قمر يا قمر
- 1966 -
ليست هناك تعليقات:
إرسال تعليق
ضع تعليق وشاركنا بآرائك