بحيرى - بدرية السيد / بدارة
كلمات: محمد سعيد احمد | الحان: صبحى شفيق
بحيرى يا واد بحيرى واه من البحرواية
وعايق بالسديرى واللاسة والطاقية
واتدلع يا رشيدى على وش المية
اه يا سيدى اه يا سيدى على وش المية
حلفتك يا مراكبى ودينى اشوف حبايبى
يا طالع بالفلوكة والدفة مطاوعة ايدك
وخالى البال وراضى ياعم الله يزيدك
حكمة وعلمتهالى بكرة يعدلها سيدك
ياعم الصبر طيب وقلبك والله طيب
واتدلع يا رشيدى على وش المية
اه يا سيدى اه يا سيدى على وش المية
حلفتك يا مراكبى ودينى اشوف حبايبى
انا شايفة نخل عالى قصاد عينى الجناين
ومداخن فى العلالى ومصانع نورها باين
وولاد عمى الرشايدة بحارة وصيادين
تلاقيهم فى المصانع رجالة وشغالين
واتدلع يا رشيدى على وش المية
اه يا سيدى اه يا سيدى على وش المية
حلفتك يا مراكبى ودينى اشوف حبايبى
- 1969 -
ليست هناك تعليقات:
إرسال تعليق
ضع تعليق وشاركنا بآرائك