انا هنا والقلب هناك - كمال حسنى
كلمات: فتحى قورة | الحان: فريد الاطرش
انا هنا والقلب هناك والحب ظالمني معاك
خلاني اعيش من غيرك .. وكأني اعيش وياك
انا هنا والقلب هناك
يا حبيبي انا غايب عنك وانا عارف حبك ليا...
لو كان الهجر دا منك كان هان الوجد شوية
لكن مش ذنبك ولا ذنبي في عذاب قلبك وعذاب قلبي
وابعد علشان انساك .. زودلي البعد هواك
خلاني اعيش من غيرك .. وكأن اعيش وياك
انا هنا والقلب هناك
انا فاكرك وانت فاكرني وياريت انسى وتنساني
ما بقولش ان انت هاجرني ولا كنت سبب حرماني
والقرب نصيب والهنا قسمة
يا دوب يا تفوت زي النسمة
والقلب اللي بيهواك بينادي عليك ذكراك
خلاني اعيش من غيرك .. وكأن اعيش وياك
انا هنا والقلب هناك
انا هنا والقلب هناك
- اغانى فيلم "ربيع الحب" عام 1956 -
ليست هناك تعليقات:
إرسال تعليق
ضع تعليق وشاركنا بآرائك