يوم الهنا - نجاة الصغيرة
كلمات: صلاح جاهين | الحان وتوزيع موسيقى: هانى شنودة
يوم الهنا يوم المنى
مبروك علينا كلنا
يوم ذكرى كل شئ جميل
بيهل من السنة للسنة
اسمه على ورق النتيجة عندنا
يوم الهنا عصفور العيد
بيغنى نشيد من عهد زمان وتملى جديد
ويقول ويعيد عصفور العيد
فتحى يازهور واضحكى للنور
بفرح وسرور وبقلب سعيد
ويقول ويعيد عصفور العيد
روح المرح فى الجو رايات
ومزيكات على بالونات
والدنيا عاملة مهرجانات
ﻻن ده يوم الهنا
عجبى ياعجبى ياحبيب قلبى
فرحان بالعيد وﻻ بسببى
احنا اﻻثنين احلى سببين
هنخلى الكون 100 مليون لون
وان كان اليوم حلو يا حبى
احنا اﻻثنين احلى سببين
واحلى منا جميع الناس بعيونها
دى المليانة حماس وقلبها المليان
احساس بان ده يوم الهنا
هتمر سنين وسنين وسنين
واليوم ده يعود واحنا غايبين
وبنات شربات وشباب حلوين
يسألوا عنا وعن أيامنا
يلقوا زماننا كله محبين
وبنات شربات وشباب حلوين
ونعيش هنا أبد اﻵبدين
انا وحبيبى والسامعين
وطول ما فيها مصريين
هيبقى ده يوم الهنا
يوم الهنا يوم المنى
مبروك علينا كلنا
يوم ذكرى كل شئ جميل
بيهل من السنة للسنة
- 1982 -
ليست هناك تعليقات:
إرسال تعليق
ضع تعليق وشاركنا بآرائك