هاسيبلك الدنيا وامشى - محرم فؤاد
كلمات: عبد الوهاب محمد | الحان: محمد الموجى
هسيبلك الدنيا وامشى
همشى ما ابصش ورايا
والذكريات الجميلة
هخليهملك هدايا
والذكريات الحزينة
كمان هاخدهم معايا
وأسيبلك الدنيا وأمشى
همشى ما ابصش ورايا
ان كنت تفرح لبعدى
ادينى هبعد بعيد
هبعد عشان تستريح
وتبقى راضى وسعيد
وزى حبك ما خدنى من غير ميعاد
هتلاقى غدرك بعدنى من غير ميعاد
هسيبلك الدنيا واروح بلد تانية
بلد تنسينى بلد تخلينى
ارتاح هناك من هوايا
واشوف له حل ونهاية
واسيبلك الدنيا وامشى
همشى ما ابصش ورايا
انا مسافر مسافر
من غيرما اودع مسافر
تارك ودادك وقربك
شاكك فى شئ اسمه قلبك
نادم على كل لحظة
قضيتها مخلص فى حبك
هسيبلك الدنيا واروح بلد تانية
بلد تنسينى بلد تخلينى
ارتاح هناك من هوايا
واشوف له حل ونهاية
واسيبلك الدنيا وامشى
همشى ما ابصش ورايا
- اغانى فيلم "من غير ميعاد" 1962 -
ليست هناك تعليقات:
إرسال تعليق
ضع تعليق وشاركنا بآرائك