بعد ايه - عبد الحليم حافظ
كلمات: مأمون الشناوى | ألحان: كمال الطويل
بعد إيه بعد إيه بعد إيه
ابكي عليه واشتاق إليه أنا، حبيته ليه ضيعته ليه
ياما قلتلي عنيه ساعة الفراق خليك شوية
ياما نداني بدمعه في الوداع وترجى فيه
ليه فارقته ليه، ليه ضيعته ليه
قالوا وسمعنا حكايات الحبايب
اللي فارق واللي خاصم واللي غايب
والي داري حبه حتى عن حبيبة
واللي قلبة من عذاب الحب دايب
بس اه من اللي جرالي، عمر ما كان يوم فى بالي
هو ده الحب اللي ما سمعت عليه
ياما قالتلي عنيا ساعة الفراق خليك شوية
ياما نداني بدمعه فى الوداع و اترجى فيا
ليه فارقته ليه، ليه ضيعته ليه
يوم يوم من عمري هو اليوم اللي اتهنيت فيه
واللي بكيت منه وعليه
يوم يوم من عمري بهرب منه وابعد عنه
وافضل وحدي لآخر عمري مستنيه
اتقبلنا فى الحياة على الود والحب الجميل
وافترقنا كل واحد فى طريق خالي طويل
حتى معرفتش ساعتها قلت إيه
ياما قالتلي عنيه ساعة الفراق خليك شويه
ياما نداني بدمعه فى الوداع و اترجى فيه
ليه فارقته ليه، ليه ضيعته ليه
- 1960 من أغاني فيلم يوم من عمري -
ليست هناك تعليقات:
إرسال تعليق
ضع تعليق وشاركنا بآرائك