وسع للنور - محمد رشدى
كلمات: عبد الرحمن الابنودى | الحان: بليغ حمدى
.jpeg)
وسع وسع للنور فايته البنيه وضحكتها داير ما يدور
والفضه في رجليها هلالين مالهمش شهور
وأنا قلبي أن شافك في السكه بيقول منصور
ويقول ياصلاة النبي أحسن وسع وسع للنور
ياحلاوه ياعين علي النسمه لما تعدي
وتبعتر ضفايرها فوق الخد الوردي
من فين ياأم خدود رماني من فين
أنا سكينة شوق سرقاني
ياللي عينيكي قالت ورموشك مجاديف واخداني
وأنا قلبي أن شافك في السكه بيقول منصور
ويقول ياصلاة النبي أحسن وسع وسع للنور
ياسلام ع الضحكه اللي بتزرع قلبي بستان
ياسلام علي الشعر اللي بيفرش علي مية فدان
ده جمال ياأخواتي ماهش علي حد
وعيون بتقول لك ياصباح الورد
واللي بيشوفك مره بيفضل
ع المره سنين مايبص لحد
من فين ياأم خدود رماني من فين
أنا سكينة شوق سرقاني
ياللي عينيكي قالت ورموشك مجاديف واخداني
وأنا قلبي أن شافك في السكه بيقول منصور
ويقول ياصلاة النبي أحسن وسع وسع للنور
- 1974 -
ليست هناك تعليقات:
إرسال تعليق
ضع تعليق وشاركنا بآرائك