الهوى هوايا - عبد الحليم حافظ
كلمات: عبد الرحمن الأبنودى | ألحان: بليغ حمدى
الهوى هوايا
ابنيلك قصر عالي
واخطف نجم الليالي
واشغلك عقد غالي
يضوي احلى الصبايا
انا الهوى هوايا هوايا
الهوى هوايا
يبقى القمر قاربنا
والليل بحر مهاودنا
والنسمة اللى تاخدنا
ترجع شايله الحكايه
الهوى هوايا
الهوى هوايا
ندخل كتب الحكاوي
واروي سنينك غناوي
واعمل طبيب مداوي
واشيل حبي دوايا
انا الهوى هوايا هوايا
الهوى هوايا انا الهوى هوايا
ارسم صورتك فى يدي
عالنسمة اللى تعدي
عالفجر ابو ضحكة وردي
ع العمر اللى ورايا
الهوى هوايا انا الهوى هوايا
لو الايام بعدوني
يصاحبك نور عيوني
ولو نامت جفوني
يصحى فى ليلك غنايا
انا الهوى هوايا هوايا
الهوى هوايا
انا الهوى هوايا
فى عنيك يا حبيبتي
تتوه مني سفينتي
وكفايه انك انتي
اللى فضلتي معايا
الهوى هوايا انا الهوى هوايا
لكن وانا كلي حيره
مش بملك يا اميره
من احلامي الكتيره ياعيني
غير ضحكي وبكايا
انا الهوى هوايا
- من أغاني فيلم أبي فوق الشجرة 1966 -
ليست هناك تعليقات:
إرسال تعليق
ضع تعليق وشاركنا بآرائك