انا فت 16 سنة - فايدة كامل
كلمات: عبد الفتاح مصطفى | الحان: عبد الرحمن الخطيب
[Concert] Mp3 Format - High Quality - 6.30 MB
يا قلبى قولى هنعمل ايه
فى الحب ده اللى بيحكوا عليه
بتقولى اسكت .. اسكت ليه
هو الكلام فى الحب حرام
ولا انت ناسى مين انا
ده انا سنى 16 سنة
شوف السحاب والليل فتان
مركب دهب تجرى فى ألحان
مركب وفيها مكان لاتنين
وهايمة ليه من غير خلان
يا هل ترى بيستنانى لوحدى
ولا بيستنى مين تانى
فوق السحاب انا شايفة هناك
فارس جميل مستنينى
يا قلبى طير وانا اطير وياك
ولا انت فكرك هيجينى
يا قلبى قولى هنعمل ايه
فى الحب ده اللى بيحكوا عليه
بتقولى اسكت .. اسكت ليه
هو الكلام فى الحب حرام
ولا انت ناسى مين انا
ده انا سنى 16 سنة
الورد خد يميل على خد
والزهر عين بتكلم عين
وادى الخميلة بقالها ألوان
ومش ناقصها غير حبيبين
يا هل ترى بيستنانى لوحدى
ولا بيستنى مين تانى
بين الغصون انا شايفة هناك
فارس جميل مستنينى
يا قلبى طير وانا اطير وياك
ولا انت فكرك هيجينى
يا قلبى قولى هنعمل ايه
فى الحب ده اللى بيحكوا عليه
بتقولى اسكت .. اسكت ليه
هو الكلام فى الحب حرام
ولا انت ناسى مين انا
ده انا سنى 16 سنة
- 1958 -
ليست هناك تعليقات:
إرسال تعليق
ضع تعليق وشاركنا بآرائك