صباح الاجازة / صباح نادى - احمد سامى وصفاء لطفى
كلمات: عبد السلام بدر | الحان: عزت الجاهلى
صبح يا جميل يا صباح النور
يا نغم بيسيل حبات بنور
على فين يا جميل
- انت اللى تقول
نركب حنطور للهرم الاكبر وابو الهول
معقول؟ معقول
ونشوف المعلن والمجهول
من سر بلدنا ابو عرض وطول
- نرجع على فين
على قصر النيل ونفوت على الكوبرى ابو عمر طويل
- الكوبرى المشهور بالاسدين
ونعدى الناحية التانية لفوق على اصل الشوق
- وياريت للعتبة وعلى عابدين
ونشوق طريقنا لباب اللوق ما رمانا الشوق
للناس اللى فى عشرتهم ذوق
ونصبح على زينة القمرات بين السرايات
- اختك شربات اختك شربات
ونروح ونسلم على العيلتين فى الكحكيين
- وكفاية بقى وهنا هو نازلين
لجمال الرحلة القلب صبح
فى فرح ومرح شئ غير عادى
نطلع ونطير بالعربية
من الناحية دى للناحية دى
وجمال الكون من حوالينا
يهتف ويزقطط وينادى
وبقالنا سعادة عمر فى يوم
فى اجازة يوم واليوم نادى
وصباح نادى
فى الناحية دى والناحية دى
- 1983 -
ليست هناك تعليقات:
إرسال تعليق
ضع تعليق وشاركنا بآرائك