وحشانى عيونك - سعاد مكاوى
كلمات: عبد العزيز سلام | الحان: محمد الموجى
Mp3 Format - CD Quality - 5.29 MB
وحشانى عيونك وحشانى
يا حبيبى يا ساحر وجدانى
فين ضى عينيك اللى بيسحر
بالنظرة الحلوة الفتانة
والجفن الساهى اللى بيأسر
ويخلى الروح بيك ولهانة
فين قلبك علشان يرعانى
يا حبيبى يا ساحر وجدانى
ليه تبعد عنى وتفوتنى
لقسايا وشوقى وحرمانى
هو انت يا روح قلبى نسيتنى
ولا انت لسة بتهوانى
طمنى وهون اشجانى
يا حبيبى يا ساحر وجدانى
توعدنى وتخلف مواعيدك
واستنى والعمر بيجرى
والقلب يحبك ويريدك
وخيالك عايش مع فكرى
عايز من قلبى ايه تانى
يا حبيبى يا ساحر وجدانى
وحشانى عيونك وحشانى
يا حبيبى يا ساحر وجدانى
- 1955 -
ليست هناك تعليقات:
إرسال تعليق
ضع تعليق وشاركنا بآرائك