يا حلو رمشك ندهلى - كارم محمود
كلمات: عبد الفتاح مصطفى | الحان: كارم محمود
Mp3 Format - CD Quality - 6.13 MB
يا حلو رمشك ندهلى وفى حلاوتك مين
وانا اللى يا حلو تايب عن هوى الحلوين
الطبع هادى وطبعك فى الملاح صدفة
والرمش ساهى وله فى سحبته خطفة
تصحى فى القلب نار الحب واللهفة
وكل كلمة وهمسة تبقى شوق وحنين
يا حلو رمشك ندهلى وفى حلاوتك مين
وانا اللى يا حلو تايب عن هوى الحلوين
اوصف عيونك واسميها ليالى ملاح
واسهر على ضيها الفين صباح وصباح
واوصف رموشك واسمى كل رمش جناح
طاير بقلبى ومين يعرف طريقه مين
يا حلو رمشك ندهلى وفى حلاوتك مين
وانا اللى يا حلو تايب عن هوى الحلوين
انا اللى قولت الهوى بينى وبينه بلاد
الاقى رمشك وقلبى والهوى بميعاد
صدقوا اللى قالوا جمالك يفتن الزهاد
خلانى عاشق بسلف دمعى للعاشقين
يا حلو رمشك ندهلى وفى حلاوتك مين
وانا اللى يا حلو تايب عن هوى الحلوين
- 1959 -
ليست هناك تعليقات:
إرسال تعليق
ضع تعليق وشاركنا بآرائك