انا والنجوم صاحيين - نازك

انا والنجوم صاحيين - نازك

كلمات: عبد الفتاح مصطفى | الحان: احمد صدقى

[Concert] Mp3 Format - CD Quality - 14.4 MB

Google Drive | MediaFire

انا والنجوم صاحيين والبدر راعى لى ..

عينى على النايمين فى ليل مواويلى ..

يا ما سهارى حيارى والليل سامعهم ..

شافوا النجوم دى اماره من مدامعهم ..

وانا بشوفها نجوم آيه وقدره ...

والكون كتاب منظوم بقوللى إقرا ..

قل لى الجمال ده لمين ..

عينى على النايمين فى ليل مواويلى ..

قلوب تدوب بدموع وقلوب تدوب فى نغم ..

وليل تقيده شموع وليل يقيده ألم ..

ومين دامت له دموعه...

ومين دامت له ابتسامته ..

ومين يا دنيا شموعه ضمن فى نورها سلامته ..

واللى يآمن لك مين ..

عينى على النايمين فى ليل مواويلى ..

بين النخيل أرغول فيه النغم بقول ..

يا خوفى ليلى يطول ولافيش حبيب جنبى ...

رديت على الارغول وفضلت اقول له واقول ..

ياريت يا ليلى تطول واسهر انا وقلبى ...

طول ما النجوم صاحيين ...

عينى على النايمين فى ليل مواويلى ..

- 1954 -

تابعنا على تويتر