ظلمنى هواك - عائشة حسن
كلمات: محمد على احمد | الحان: رياض السنباطى
اقول حبك تقول بهواك ومشغول بك
واقول قلبك تقول وياك وفين قلبك
ظلمنى هواك وبترجاك
وايه اخرة حكايتى معاك
حرام يجرى الزمان بيا
وانا صابر ومستنى
ويتحكم هواك فيا
ما بين حيرتى وبين ظنى
امل ساحر بيغرينى
وليل الشوق ينادينى
وقلبى يشتهى رؤياك
ولا تعطف فى يوم برضاك
ظلمنى هواك وبترجاك
وايه اخرة حكايتى معاك
حكايتى معاك كانت غنوة
لدنيا الحب اغنيها
والاقى عيونك الحلوة
يبان سر الهوى فيها
وتحكيلى على شوقها
وتحلفلى واصدقها
ولا كانش الزمان قساك
وبالى ينشغل وياك
ظلمنى هواك وبترجاك
وايه اخرة حكايتى معاك
تشوف الحب فى عيونى
وليه بتخبى وتدارى
وتخلف فكرى وظنونى
وترضى لهفتى ونارى
فى ليل حبك فرغ دمعى
ودوبت فى هواك شمعى
وايه تانى هاشوف وياك
وايه اللى انكتبلى معاك
ظلمنى هواك وبترجاك
وايه اخرة حكايتى معاك
- 1961 -
ليست هناك تعليقات:
إرسال تعليق
ضع تعليق وشاركنا بآرائك