العيون السود يا وعدى - محمد رشدى
كلمات: محسن الخياط | الحان: محمود الشريف
العيون السود يا وعدى فين اروح انا فين
بحر ماله حدود يا وعدى والرموش شطين
علمينى ازاى اعدى بس خلى الموج يهدى
ويا سمرة النوبة دى سماح
وكفاية عمرنا اللى راح
يفوت الشوق يدوبنى
واحايله وبرضه يغلبنى
ويوم ما ابعد يقربنى
وليه يبقى اللى بينا بعاد
وليه تبعد ما بينا بلاد
وتوبة ان غربونا ما يوم هايفرقونا
ما يوم هايفرقونا يا سمرة
العيون السود يا وعدى فين اروح انا فين
بحر ماله حدود يا وعدى والرموش شطين
اتوه فى السكة واتغرب وادوب واشتاق
لا نارى على الطريق تهدى ولا الاشواق
يبات قلبى يناديلى ادوس على الشوق واجيلك
وتوبة ان غربونا ما يوم هايفرقونا
ما يوم هايفرقونا يا سمرة
العيون السود يا وعدى فين اروح انا فين
بحر ماله حدود يا وعدى والرموش شطين
حبيبة القلب يا سمارة
يا زينة الحى والحارة
سماح يا شوق وحنية
يا روح الروح يا نوارة
وتوبة ان غربونا ما يوم هايفرقونا
ما يوم هايفرقونا يا سمرة
العيون السود يا وعدى فين اروح انا فين
بحر ماله حدود يا وعدى والرموش شطين
- 1975 -
ليست هناك تعليقات:
إرسال تعليق
ضع تعليق وشاركنا بآرائك