اوعى تكون بتحب يا قلبي .. اوعى تكون بتحب
مالنا ومال الحب يا قلبي .. مالنا ومال الحب
مالنا ومال النار تكويك .. النار تكويك
اوعى تحب الله يخليك .. الله يخليك
اوعى يا قلبي .. اوعى يا قلبي .. اوعى يا قلبي
قولي يا قلبي قوام وحياتك حبيت .. قول ايوه يا لأ
دقاتك مش دي دقاتك .. لأ وحياتك ناقصين دقه
فين وديتها .. مين اللى خديتها
اوعى تكون ام عيون زرقا .. محناش اد الشوق والفرقا
مالنا يا قلبي لا يلعب بيك .. يلعب بيك
اوعى تحب الله يخليك .. الله يخليك
اوعى يا قلبي .. اوعى يا قلبي .. اوعى يا قلبي
دايما ساهي ومشغول عني .. قولي يا قلبي انها شغلاك
اوعى يا قلبي تخدك مني .. وتحيرني ليالي معاك
ابعد عنها .. سيبك منها
خليك ليا يا قلبي وسيبك .. مش ح تلاقي غيري حبيبك
مالنا ومال النار تكويك .. النار تكويك
اوعى تحب الله يخليك .. الله يخليك
اوعى يا قلبي .. اوعى يا قلبي .. اوعى يا قلبي
- من اغانى فيلم وداعا يا حب 1960 -
ليست هناك تعليقات:
إرسال تعليق
ضع تعليق وشاركنا بآرائك