منايا فى قربك - ليلى مراد
كلمات: جليل البندارى | الحان: محمد فوزى
منايا في قربك أشوفك سعيد
واشوف نفسي جنبك ده شيء مش بعيد
منايا أغمض وافتح عينيا
ألاقيك يا روحي بتسأل عليا
وإمتى تفكر يا روح قلبي فيا
واشوف نفسي جنبك ده شيء مش بعيد
يا ما منايا أكون بين إيديك
وتسأل عينيا يا روحي عينيك
لا تكدب عليا ولا أكدب عليك
واشوف نفسي جنبك ده شيء مش بعيد
منايا تقولي ع اللي في ضميرك
عشان بدي أعرف مصيري ومصيرك
تطمن فؤادي اللي لك مش لغيرك
واشوف نفسي جنبك ده شيء مش بعيد
- من اغانى فيلم "الماضي المجهول" 1946 -
ليست هناك تعليقات:
إرسال تعليق
ضع تعليق وشاركنا بآرائك