دوبونى الغمزتين - ماهر العطار
كلمات: عبد السلام أمين | ألحان: محمد الموجى
دوّبوني الغمزتين
اللّي فوق الوردتين
لمّا يضحك لي يا عيني
بآنسى نفسي رحت فين
اللّي صحّ الشّوق في قلبي
همّا دول
و اللّي قال لعنيّا حِبّي
همّا دول
و اللّي نسّاني قرايبي
همّا دول
همّا دول اللّي سابوني
و آشتروا حيرتي و باعوني
همّا دول
و بهواهم غرّقوني و دوّبوني
آضحكوا لي مرّة وحدة
بآنسى نفسي رحت فين
فين فين
دوّبوني دوّبوني
لمّا طال الشّوق عليّا
و آشتكيت بدموع عينيّا
قلبي قال لّي نعمل إيه
نعمل إيه و آنسوّي إيه
نعمل إيه و آنسوّي إيه
إنشغلت يا قلبي ليه
و إنت مش قادر عليه
روح يا شوق
إفرض جناحك
و إنت يا قلبي فْ جراحك
روح معاه و قولي فين
اللّي لوه ع الوردتين غمزتين
دوّبوني دوّبوني
- 1964 -
ليست هناك تعليقات:
إرسال تعليق
ضع تعليق وشاركنا بآرائك