ع الجسر العالى - صباح
كلمات: عبد الرحيم منصور | ألحان: محمد الموجى
ع الجسر العالى يا بنات الغية
والنبى يابا يابا ما تفرط فيا
لو حتى مهرى يوزن دهبية
لا مال يغوينى وقصور تطوينى
أوعاك ترمينى ده انا برضه صبية
لا انا عايز العايق ولا ابو بال رايق
ولا اللى يخاف من هم الدنيا
والنبى يابا يابا ما تفرط فيا
انا عايز وليفى يقاسمنى رغيفى
يسندنى فى خوفى وقت الشدية
خيالى فى أرضى لو عدى أعدى
ده شوكى وردى والغطا والمية
والنبى يابا يابا ما تفرط فيا
انا عايزة خلى يهمس ويقولى
دى شموسى وضلى أيامنا الجاية
أبنى معاه دارى وأنقشله نهارى
متغبش أسرارى عن عينه شوية
والنبى يابا يابا ما تفرط فيا
ليست هناك تعليقات:
إرسال تعليق
ضع تعليق وشاركنا بآرائك